Padamyar FM

Maturity is not when we start speaking big things. It is when we start understanding small things. ရင့်ကျက်တည်ငြိမ်မှုဆိုတာ ဘယ်လိုအရာကိုခေါ်ဆိုပါသလဲ။ လောကမှာ အသက်ရှင်နေထိုင်နေကျတဲ့သူတွေကြားမှာ တစ်ဦးနဲ့တစ်ဦး ပြောဆိုဆက်ဆံတဲ့အခါမှာပဲဖြစ်ဖြစ် အကျိုးတူစီးပွားရေး လုပ်ကိုင်တဲ့အခါမျိုးမှာပဲဖြစ်ဖြစ် ရင့်ကျက်တည်ငြိမ်မှုဆိုတာ လိုအပ်ပါတယ်။ စကားတစ်ခွန်းကို ဘရွတ်ရွှတ်တပ် မဆင်မခြင် ပြောဆိုတတ်တဲ့အခါမှာ တပါးသူရဲ့အထင်အမြင်သေးခြင်းကိုခံရနိုင်တဲ့အပြင် ကိုယ့်အတွက်ကိုလည်း ဒုက္ခရောက်စေနိုင်တဲ့ အထိဖြစ်ပွားနိုင်ပါတယ်။  အလုပ်တစ်ခုကိုလုပ်ကိုင်တဲ့အခါမှာလည်း အရူးချီးပန်း လုပ်ချင်သလိုလုပ်ကိုင်ခြင်းဟာ ကိုယ့်အတွက်အနှုတ်လက္ခဏာကိုသာ ဖြစ်စေမယ့် အရည်အချင်းတစ်ခုပါ။ ဒါကြောင့် ဘယ်နေရာမှာပဲဖြစ်ဖြစ် ပြောတော့လုပ်တော့မယ်ဆိုရင် စဉ်းစားဆင်ခြင်ပြီးမှ လုပ်ကိုင်ရပါမယ်။ ပြောချင်ရာကို စွတ်ပြောနေရုံနဲ့ အလုပ်တကယ်လုပ်တဲ့ အခါမှာတော့ သေသပ်မှုမရှိ၊ အောင်မြင်မှုကိုမရဖြစ်တဲ့ အခါမှာ အများရဲ့ ကဲ့ရဲ့ခြင်းကိုလည်း ခံရနိုင်ပါတယ်။